A Conselleira de Pesca acepta a dimisión do delegado territorial de Lugo
Santiago de Compostela, 30 de agosto de 2006.-
A Conselleira de Pesca e Asuntos Marítimos, Carmen Gallego Calvar, aceptou esta tarde a dimisión presentada hoxe polo delegado territorial de Lugo ao considerar que “cometeu un erro que non se debe producir no exercicio dun cargo público”. Sen embargo, Gallego Calvar quixo destacar a labor feita por Xaime Cancio no desempeño da súa labor na delegación de Pesca dende que accedera ao cargo no mes de agosto do pasado ano, así como “a boa conexión que tivo dende o primeiro día co sector pesqueiro”. Ademais, a conselleira de Pesca salientou o xesto que tivo o delegado ao presentar a súa dimisión, “xa que se trata dun acto que lle honra como persoa comprometida coa transparencia deste goberno”.
