Verdegaia solicita a paralización inmediata do novo porto deportivo
| A agrupación comarcal de Verdegaia (bisbarras de Ferrol, Eume e Ortegal) négase á construcción dun novo porto deportivo en Cedeira, debido ó impacto visual que éste ocasionaría na ría e no seu entorno. A instalación dun novo dique e dunha nova esplanada portuaria provocaría alteracións nas correntes da zona, o que traería consigo o aporte de áridos ás praias. Por outra banda, e sempre segundo a entidade ecoloxista, os restos arqueolóxicos que están no fondo mariño atoparíanse tamén nunha situación de risco. Ademais, a ría de Cedeira está actualmente en trámites de ser declarada como Reserva Mariña debido á súa grande riqueza en pescado e marisco. NATALIA MOREIRA > FERROL | |
"O ecosistema veríase alterado enormemente con esta iniciativa, xa que poderían resultar afectados elementos vitais bentónicos da ría, necesarios para a supervivencia de diferentes especies mariñas de interese comercial e científico", segundo afirman dende Verdegaia.
Dende a entidade cuestionan a necesidade de crear estas instalacións, pero plantexan outras alternativas menos perxudiciais, como podería ser o aproveitamento das instalacións xa existentes para o amarre das embarcacións deportivas, debido a que o dique que xa existe permitiría a instalación de pantaláns flotantes.
Denuncia tamén Verdegaia que o Concello lle teña negado unha copia do Estudo de Impacto Ambiental do proxecto de referencia, tras telo solicitado por escrito o pasado tres de setembro. Isto impediulles analizar o proxecto.
Link: www.diariodeferrol.com
veciño dijo
Non fai falla ser ningún erudito para se dar conta de que esa instalación tal e coma esta proxectada non é apropiada para esta ría e non estou dacordo con tal barbaridade. Ahora ben, con respecto ó que dí a Sra./srta. Natalia neste artigo con respecto á posible ubicación alternativa do suposto porto deportivo, unha de dúas; ou ben nunca estivo en Cedeira ou non ten nin a máis remota idea do que fala, xa que dicir que có dique que xa hai feito e colocando os pantalans xa estaría todo listo é o mesmo que dicir que con asfaltar de novo a Avd. de Castelao xa temos aeroporto.
20 Septiembre 2007 | 07:39 PM