Medio cento de barcos participarán na campaña do polbo dende o día seis
REDACCIÓN > FERROL
Unhas corenta embarcacións participarán a partires do 6 de xullo na campaña do polbo, despois de que a Consellería do Mar anunciase a apertura da veda desde ese día ata o 31 de agosto. En canto ás capturas Mar mantén os mesmos topes que na tempada anterior, con 40 kilos por embarcación e día como máximo.
Furtivismo > Por outra parte, o pasado venres, os responsables da Confraría cedeiresa asistiron a unha reunión en Celeiro convocada pola Dirección Xeral de Ordenación Pesqueira, onde o titular da área informou aos patronos e responsables das agrupacións -desde Cedeira ata Ribadeo- os pormenores do Plan de Loita contra o Furtivismo, que xa foi presentado días atrás ós responsables dos pósitos entre Ferrol e A Coruña.
Este plan, que no caso concreto de Cedeira centrarase, aínda que non en exclusividade, nas capturas do percebe, contempla actuacións de operativos integrados por distintos corpos de seguridade, como axentes de vixiancia costeira, a Guardia Civil e Seprona e a Policía Nacional, entre outros.
Como ben se lembrará a ría de Cedeira está catalogada como Reserva Mariña de Interese Pesqueiro, motivo polo cal tamén goza dun sistema de vixiancia activo as 24 horas ao día. Isto non quere dicir que a vixiancia froito deste operativo en contra do furtivismo sexa menor neste espazo, ao contrario, xa que este servizo verase incrementado.
Link: www.diariodeferrol.com
